• हरिशंकर शर्मा
बारागढी (बारा), २ जेठ / बारा जिल्लाको बारागढी गाउँपालिका वडा नं. १ को वडाध्यक्षमा जसपाका सुरेश प्रसाद चौधरी विजयी भएका छन् । जसपाबाट उम्मेदवारी दिएका चौधरी ९ सय ३७ मत प्राप्त गरि विजयी भएका हुन् । उनका प्रतिद्वन्धी नेकपा एमालेका वडाध्यक्षका उम्मेदवार शंकर प्रसाद चौधरीले ९ सय ३६ मत प्राप्त गरेका थिए भने तेश्रो स्थानमा रहेको नेपाली काँग्रेसबाट वडाध्यक्षका उम्मेदवार सुदामा राउतले ३ सय ६० प्राप्त गरेका थिए ।
निर्वाचित सुरेश प्रसाद चौधरी उनका प्रतिद्वन्धी शंकर प्रसाद चौधरीसँग १ मत बढि ल्याई विजयी प्राप्त गरेका हुन् । बारागढी गाउँपालिकाको वडा नं. १ मा २ हजार ९ सय ६ मतदाता संख्या रहेकोमा २ हजार ३ सय ८८ मत खसेको थियो । जसमा १ सय ५५ मत अन्य पार्टीले प्राप्त गरेको थियो ।
गा.पा. अध्यक्षमा जसपाको अग्रता कायमै
बारागढी गाउँपालिकाको अध्यक्ष पदमा हालसम्म जसपाका अशोक जयसवालको अग्रता कायम नै छ । शुरुवाती देखि नै अग्र स्थानमा रहेका जसपा हालसम्म अग्र स्थानमा नै रहेका छन् । वडा नं. १ र २ को ३ हजार २ सय ६९ मतगणना हुँदासम्म जसपाका उम्मेदवार जयसवालल १ हजार ३ सय ४६ मत प्राप्त गरि अग्र स्थानमा रहेका छन् ।
उनका प्रतिद्वन्धी नेपाली काँग्रेसका अध्यक्ष पदका उम्मेदवार देवदत्त बछार ८ सय ८० मत प्राप्त गरेका छन् भने नेकपा एमालेका वृजकिशोर चौधरीले ७ सय ४८ मत प्राप्त गरेका छन् । यसरी नै उपाध्यक्षमा पनि जसपाकै उम्मेदवार लक्ष्मीदेवी रायको नै अग्रता रहेको देखिन्छ । रायले हालसम्म १ हजार १ सय ७ मत प्राप्त गरेकी छिन् भने उनका प्रतिद्वन्धी नेकपा एमालेका उपाध्यक्षको उम्मेदवारले ९ सय ४० मत प्राप्त गरेका छन् ।
यसैगरि उनलाई पन्छ्याई रहेको नेपाली काँग्रेसकी उपाध्यक्षकी उम्मेदवार गीता साहले ७ सय ७ मत प्राप्त गरेकी छिन् । त्यसैगरि वडा नं. २ को वडाध्यक्षमा नेपाली काग्रेस अग्र स्थानमा रहेको छ । ८ सय ८१ वटा मतगणना हुँदासम्म नेपाली काँग्रेसले २ सय ६३, जसपाले १ सय ७७, एमालेले १६७ तथा माओवादीले १ सय ६३ मत प्राप्त गरेको छ ।
प्रतिक्रिया दिनुहोस् !