छिपहरमाई गाउँपालिकाको मतगणना स्थगित

वीरगन्ज, १ जेठ / पर्साको छिपहरमाई गाउँपालिकाको मतगणना स्थगित भएको छ । मतगणना कार्यमा संलग्न कर्मचारीको गतिबिधि शंकास्पद भेटिएपछि बिवाद भई मतगणना स्थगित भएको हो ।
यहाँ खटेका कर्मचारीहरुले गल्ती गरेको उजुरी नै आएपछि अब ति कर्मचारीहरुलाई खटाएर मतगणना गराउन सक्ने स्थिती रहेन, अर्को कर्मचारी टोली नआएसम्म मतगणना स्थगित गरिएको छिपहरमाई गाउँपालिकाका प्रमुख निर्वाचन अधिकृत मुकुन्द निरौलाले जानकारी दिए ।
उनका अनुसार मतगणनाको परिणम सार्वजनिक गर्ने क्रममा गडबडि हुन गएको कुरा सही हो, अंक अग्रेजी हो कि नेपाली भन्ने दुबिधामा त्रुटि भेटिएको बताउँदै अब अर्को कर्मचारी टोली आएपछि मात्रै मतगणना पुनः सुचारु हुने बताए । मत परिणाम स्वरूप सार्वजनिक गर्ने क्रममा कर्मचारीले नेकपा एमालेका उम्मेदवार मनोज साहको मत १५९० को ठाउँमा ‘१६२०’ घोषणा गरेपछि विवाद उत्पन्न भएको थियो ।
प्रतिद्वन्धी पार्टीका प्रतिनिधिहरुले यस्तो गडबडी हिजोदेखि पटक पटक दोहरिएको बताए ।