• मुस्कान श्रेष्ठ
वीरगंज, २२ वैशाख / पर्साको पोखरीया नगरपालिकामा जनता समाजवादी पार्टी र नेकपा माओवादी केन्द्र बिच गठबन्धन भएको छ ।
वैशाख ३० गते हुने स्थानीय तहमा तालमेल गरेर अघि बढ्ने बारे बिहीबार दुई पार्टीबिच छलफल भएको थियो । पोखरीया नगरपालिकाको मेयर र उपमेयर पदसहित १० वटै वडामा गठबन्धन गर्ने लिखित सहमति भएको पोखरीया जसपाकी नगर ईन्चार्ज सल्मा खातुनले बताईन् ।
केन्द्रले आवश्यक्ता अनुसार गठबन्धन गर्ने भनेपछि आफूहरु सोही अनुसार नेकपा माओवादीसंग गठबन्धन गर्न पुगेको उनले जानकारी दिईन् । नेकपा माहोवादीले आफहरु निःस्वार्थ रुपमा जसपालाई सघाउने प्रतिबद्धता व्यक्त गरेको छ । सहमती पत्रमा माओवादी केन्द्रको तर्फबाट प्रदेश कमिटी सदस्य रामबाबु बैठा, नगर अध्यक्ष पानालाल पटेल र जसपाको तर्फबाट नगर इन्चार्ज सल्मा खातुन, मेयरका उम्मेदवार राजु साहले हस्ताक्षर गरेका छन् ।
पोखरीया नगरपालिकामा जसपाबाट मेयर पदका उम्मेदवार राजु शाह, उप–मेयरमा रेनु देवी रहेका छन् । यस्तै नेकपा माओवादी केन्द्रको तर्फबाट एकजना मात्र वडा नम्बर १० का वडा अध्यक्षका उम्मेदवार रहेको छ ।
प्रतिक्रिया दिनुहोस् !