वीरगंज (पर्सा), ३ जेठ । राष्ट्रिय स्वतन्त्र पार्टी (रास्वपा) पर्साले कालिकामाई गाउँपालिकाका अधिकांश वडामा वडा अधिवेशन सम्पन्न गर्दै संगठन विस्तार अभियानलाई तीव्र बनाएको छ । शनिबार पार्टीको केन्द्रीय कार्यतालिकाअनुसार वडा नं. १, २, ४ र ५ मा अधिवेशन सम्पन्न भएको भने वडा नं. ३ को अधिवेशन विवादका कारण स्थगित गरिएको रास्वपा पर्सा क्षेत्र नं. ४ का सभापति जितेन्द्र मिश्र ले जानकारी दिए ।
उनका अनुसार सम्पन्न अधिवेशनबाट वडा नं. १ मा लालबाबु राउत बरई, वडा नं. २ मा मनमोहन प्रसाद चौरसिया, वडा नं. ४ मा विकास कुशवाहा तथा वडा नं. ५ मा धनिलाल राउत कुर्मीको सभापतित्वमा वडास्तरीय तदर्थ समितिहरू सर्वसम्मत रूपमा गठन गरिएको छ ।
रास्वपाले स्थानीय तहसम्म पार्टी संगठनलाई मजबुत बनाउने तथा गतिविधिलाई थप प्रभावकारी बनाउने उद्देश्यसहित वडा अधिवेशनलाई प्राथमिकताका साथ अघि बढाइरहेको जनाएको छ । 
प्रतिक्रिया दिनुहोस् !