वीरगंज (पर्सा), २६ माघ । राष्ट्रिय स्वतन्त्र पार्टी क्षेत्र नं. १ का उम्मेदवार हरि पन्तले इनरुवामा सञ्चालन गरेको घरदैलो तथा मतदाता भेटघाट कार्यक्रममा इनरुवाबासीको उल्लेख्य सहभागिता देखिएको छ । पन्तको घरदैलो अभियानका क्रममा स्थानीय बासिन्दाको भिड उर्लिएको हो ।
घरदैलो कार्यक्रम अन्तर्गत इनरुवाबासीले आ–आफ्ना विभिन्न स्थानीय समस्या र गुनासोहरू उम्मेदवार पन्तसमक्ष प्रत्यक्ष रूपमा राखेका थिए । यसअघि इनरुवामा आयोजित कोणसभामा समेत ठूलो संख्यामा स्थानीयको उपस्थिति रहेको थियो । कोणसभाका क्रममा सयौँ इनरुवाबासी राष्ट्रिय स्वतन्त्र पार्टीमा प्रवेश गरेका छन् । सो कार्यक्रम विजय साहको सभापतित्वमा सम्पन्न भएको थियो । सभाले विजय साहको अध्यक्षतामा २१ सदस्यीय समिति गठन गरेको छ ।
समितिको उपाध्यक्षमा राजु प्रसाद यादव, सचिवमा सन्तोष पटेल र सहसचिवमा अजय कुमार महतो तथा प्रीतम कुमार महतो चयन भएका छन् । सदस्यहरूमा जटा शंकर पण्डित, रोमन पटेल, मोहन यादव, विरेंद्र प्रसाद यादव, अबेश राम, सद्दाम हुसेन, रन्जित यादव, विजय होदा बनिया, दिलिप यादव, रामसुरै महतो, स्माइल मिया, अरुण यादव, राजन यादव, नितेश बानिया, शिवनाथ प्रसाद यादव, झोटी यादव, मोहन पटेल, सिकन्दर महतो, दिनेश साह, पर्मा यादव र रामायण दास रहेका छन् ।
विजय साहको सभापतित्वमा सम्पन्न कार्यक्रममा सन्तोष पटेलले स्वागत भाषण गरेका थिए भने कार्यक्रमको सहजीकरण अमन आलमले गरेका थिए । कार्यक्रममा उक्त वडाका सभापति रमेश चौरसिया लगायत पार्टीका नेता तथा कार्यकर्ताहरूको उल्लेख्य उपस्थिति रहेको थियो ।
प्रतिक्रिया दिनुहोस् !