वीरगंज (पर्सा), ११ चैत । पत्रकार स्व. सुर्दशनराज पाण्डे स्मृति पत्रकारिता पुरस्कारबाट बरिष्ठ पत्रकार ईश्वरचन्द्र गौतम सम्मानित भएका छन् । बुधवार वीरगंजमा आयोजित समारोहमा वरिष्ठ पत्रकार गौतम २५ हजार नगद राशी सहित सम्मानित भएका हुन् ।
कार्यक्रममा पर्सा क्षेत्र नं १, प्रतिनिधि सभाका सदस्य, साँसद हरिपन्तले सो पुरस्कार पत्रकार गौतमलाई प्रदान गरेका हुन । सो अवसरमा साँसद पन्तले पर्साको पत्रकारिताका धरोहर बरिष्ठ पत्रकार गौतमलाई सम्मान गर्न पाउदा आफूलाई समेत आत्म गौरबको बोध भएको बताए ।
स्व. पाण्डेलाई स्मरण गर्दै पन्तले स्व. पाण्डे जहिले पनि प्रतिपक्षी भूमिकामा रहेको र पत्रकारिताको मुल मर्म पनि यही भएको बताए । स्व.पाण्डेको स्मृतिमा नेपाल पत्रकार महासंघ पर्सा शाखाले स्थापना गरेको पुरस्कार प्रथप पटक बितरण भएको हो ।
महासंघ पर्सा शाखाका अध्यक्ष ओम प्रकाश खनालको अध्यक्षतामा भएको कार्यक्रममा नेपाल पत्रकार महासंघका केन्द्रीय सचिव अशोक तिवारी, केन्द्रीय लेखा संयोजक के.सी.लामिछाने, महासंघका पूर्व केन्द्रीय सचिव तथा विश्व पत्रकार महासंघ एसिया प्रसान्त क्षेत्रिय सचिव दीपेन्द्र चौहान, मधेश प्रदेशका अध्यक्ष श्याम बन्जारा, सामाजिक अभियन्ता कमल चौगाई लगायतले मन्तव्य व्यक्त गरेका थिए ।
प्रतिक्रिया दिनुहोस् !