वीरगंज (पर्सा), ६ चैत । सशस्त्र प्रहरी बल, लहावरथकरी नेपालबाट भारततर्फ लैजान लागिएको घरेलु मदिरा बरामद गरी नष्ट गरेको छ । शुक्रबार बिहान करिब १०ः३० बजे पर्साको पकाहाँमैनपुर गाउँपालिका–४ धोवियाटोला नजिक बाटोमा घरेलु मदिरा बरामद भएको हो ।
सशस्त्र प्रहरी नायब निरीक्षक ज्ञानबहादुर आले मगरको कमाण्डमा खटिएको मोटरसाइकल गस्ती टोलीले साइकल यात्रुको शंकास्पद गतिविधि देखेपछि चेकजाँच गरेको थियो । सो क्रममा नेपालबाट साइकिलमा राखेर भारततर्फ अवैध रूपमा लैजान लागिएको करिब ७५ लिटर घरेलु मदिरा फेला परेको थियो ।
प्रहरी टोलीले साइकल रोक्न भन्ने वित्तिकै मदिरा छोडेर साइकिलसहित फरार भएको सशस्त्र प्रहरीले जनाएको छ । बरामद गरिएको करिब ७५ लिटर घरेलु मदिरा स्थानीय जनप्रतिनिधि, नेपाल प्रहरी, सञ्चारकर्मी र नागरिक अगुवाहरूको रोहवरमा नस्ट गरिएको सशस्त्र प्रहरी बल, नेपाल सीमा सुरक्षा गुल्म लहावरथकरीले जनाएको छ ।
प्रतिक्रिया दिनुहोस् !