वीरगंज (पर्सा), ६ चैत । चलचित्र पत्रकार संघ नेपाल, पर्साले पर्सा क्षेत्र नं. १ बाट प्रतिनिधिसभा सदस्यमा निर्वाचित बुद्धि प्रसाद (हरि) लाई सम्मान गरेको छ । शुक्रवार वीरगंजमा आयोजित कार्यक्रममा संघका अध्यक्ष सूर्यनारायण वि.क.सहित पदाधिकारी तथा कार्यसमिति सदस्यहरूले पन्तलाई सम्मान गर्दै सफल कार्यकालको शुभकामना व्यक्त गरेका हुन् ।
सो अवसरमा सांसद पन्तले नेपाली चलचित्रको बजार विस्तार, दर्शकलाई सही सूचना प्रवाह तथा स्थानीय चलचित्रकर्मीलाई प्रोत्साहन गर्ने काम गर्दै आएको भन्दै संघको सक्रियताको प्रशंसा गरे । उनले आफू होटल तथा पर्यटन व्यवसायीसँगै चलचित्र निर्माता पनि भएको उल्लेख गर्दै यस क्षेत्रको विकासका लागि नीतिगत र संरचनागत दुवै तहमा पहल गर्ने प्रतिबद्धता व्यक्त गरे ।
कार्यक्रमम सो संघका अध्यक्ष सुर्य नारयण वि.क.ले चलचित्रमार्फत पर्यटन प्रवद्र्धन गर्न विशेष पहल गरिदिन सांसद पन्तलाई आग्रह गरे । पर्सामा पर्याटनको पचुर सम्भावना रहेको भएता पनि त्यसतर्फ ध्यान नपुगेको उनको भनाई थियो ।
यसैगरि संघ पर्साका सदस्य जय यादवले बिन्दबासिनी मन्दिर, भाठाधाम मन्दिर र पारसनाथ मन्दिरजस्ता ऐतिहासिक तथा धार्मिक स्थलको संरक्षण, प्रवद्र्धन र व्यवस्थापनमा सरकारले ध्यान दिनुपर्ने औँल्याए ।
प्रतिक्रिया दिनुहोस् !