वीरगंज (पर्सा), २६ साउन । वीरगंजस्थित जिल्ला प्रशासन कार्यालय नजिकैको नालामा मंगलबार नवजात शिशुको शव फेला परेको छ । नालामा शिशुको शव देखेपछि स्थानीयले प्रहरीलाई खबर गरेका थिए ।
घटनास्थल पुगेको प्रहरीले शवलाई बरामद गरेर घटनाबारे अनुसन्धान अघि बढाएको छ । प्रहरीका अनुसार शिशुको शब कसले त्यहाँ छाडेको हो, मृत्यु कसरी भयो र शव नालासम्म कसरी पुग्यो र भन्ने विषयमा अनुसन्धान भइरहेको छ । शिशुको पहिचान खुलाउने प्रयाससमेत भइरहेको प्रहरीले जनाएको छ ।
व्यस्त तथा संवेदनशील क्षेत्र मानिने जिल्ला प्रशासन कार्यालय अगाडि नवजात शिशुको शव भेटिएपछि स्थानीयमा घटनाप्रति चासो बढेको छ ।
प्रतिक्रिया दिनुहोस् !