वीरगंज (पर्सा), २२ जेठ । पर्सा निर्वाचन क्षेत्र नं. ४ का सांसद टेकबहादुर शाक्यको आहावानमा ठोरीका बासिन्दाहरू अतिविपन्न सुकुम्बासी एकल महिलाको घर निर्माणमा जुटेका छन् । ठोरी–१, भगवाननगर टाडी निवासी अतिविपन्न भूमिहीन सुकुम्बासी कुमारी सुनारको घर निर्माणका लागि उनीहरू श्रमदानमा जुटेका हुन् ।
घर निर्माणको लागि शुक्रवार सांसद शाक्यले शिलान्यास गरेका हुन् । जेठ १० गते आएकोे हावा हुरीले एकल महिला सुनारको घर उडाइदिए पछि, विहीवार साँझ सांसद शाक्यले घर निर्माणको लागि जनश्रम आहावान गर्नुभएको थियो । सो आग्रह बमोजि शुक्रवार विहान देखि श्रमदान गर्न जनसमुदाय निर्माण स्थलमा पुगेका हुन् । जनश्रममा स्थानीय प्रहरी युनिटको पनि सहभागि छ ।
आर्थिक अभावका कारण घरको भग्नावशेषसमेत हटाउन नसकिएको अवस्थामा सांसद शाक्यको नेतृत्वमा सहभागीहरूले श्रमदानमार्फत घरको भग्नावशेष हटाएर सोही स्थानमा दुइकोठे पक्की भित्तावला घर निर्माणे शिलान्यास गरिएको हो । शिलान्यास कार्यक्रममा सांसद शाक्यले कुमारी सुनारको घर सरकारी बजेटबाट नभई समाजका विभिन्न क्षेत्रका व्यक्तिहरूको स्वेच्छिक सहयोगबाट निर्माण गरिने घोषणा गरेका छन् ।
उक्त संगै कार्यक्रमस्थलमै रु. १ लाख ५१ हजारभन्दा बढीको नगद तथा निर्माण सामाग्री संकलन भएको छ, आवयक बाँकी रकम संकलन भइरहेको जनाइएको छ । 
प्रतिक्रिया दिनुहोस् !