वीरगंज (पर्सा), २१ जेठ । संघ सरकारले सरुवा गरेर पठाएका वीरगंज महानगरपालिकाको प्रमुख प्रशासकीय अधिकृत बसन्त बहादुर बोहराको पदास्थापन भएको छ । बोहराले बिहीबारदेखि कार्यभार सम्हालेका छन् ।
जेठ ११ गतेको मन्त्रिपरिषद् बैठकले २९ जना सहसचिवको सरुवा गर्ने क्रममा वीरगंज महानगरपालिकाको प्रमुख प्रशासकीय अधिकृतमा बोहरालाई पठाउने निर्णय गरेको थियो । यस अघि भूमी व्यवस्था, सहकारी, संघीय मामिला तथा सामान्य प्रशासन मन्त्रालयमा कार्यरत सहसचिव बोहरालाई सरकारले सरुवा गरेर पठाएको १० दिनपछि उनले बिहीबार वीरगन्ज महानगरपालिकाको कार्यालयमा पुगेर प्रमुख प्रशासकीय अधिकृतको कार्यभार सम्हालेका हुन् ।
यसअघि गत फागुन १२ गते तत्कालीन सुशीला कार्की नेतृत्वको सरकारले वीरगन्ज महानगरपालिकाको प्रमुख प्रशासकीय अधिकृतमा रेशमलाल कँडेललाई सरुवा गरेको थियो । तर वीरगंज महानका मेयर राजेशमान सिंहले महानगरको सहमति बेगर गरिएको उक्त निर्णयप्रति असहमति जनाउँदै निर्णयमा पुर्नविचार गर्न आग्रह गर्दै मन्त्रालयमा पत्रचार गरेका थिए । 
प्रतिक्रिया दिनुहोस् !