वीरगंज (पर्सा), ९ जेठ । क्रियाशील युवा पत्रकार मञ्च नेपालले संस्थाको दोस्रो कार्यसमिति बैठक सम्पन्न गर्दै संगठन विस्तार र सामाजिक उत्तरदायित्वसम्बन्धी विभिन्न निर्णय गरेको छ ।
शनिबार वीरगंजमा सम्पन्न बैठकले पत्रकारिता क्षेत्रमा सक्रिय १० जना पत्रकारलाई प्रारम्भिक चरणमा नयाँ सदस्यता प्रदान गर्ने निर्णय गरेकोे छ । संस्थालाई थप विस्तार गर्दै सक्रिय पत्रकारलाई आबद्ध गराउने उद्देश्यले सदस्यता वितरण प्रक्रिया अघि बढाइएको मञ्चका अध्यक्ष आनन्द पटेलले बताएका छन् ।
बैठकले नेपाल रेडक्रस सोसाइटी पर्सामा रगतको बढ्दो मागलाई ध्यानमा राख्दै आगामी जेठ २३ गते रक्तदान कार्यक्रम आयोजना गर्ने निर्णय गरेको छ । बैठकमा निवर्तमान अध्यक्ष प्रणय साह, उपाध्यक्ष वीरेन्द्र साह, सचिव ओमप्रकाश सराफ, कोषाध्यक्ष उपेन्द्र कुमार बरैलगायत सदस्यहरूको सहभागिता रहेको मञ्चका महासचिव राकेश साह जानकारी गराएका छन् । 
प्रतिक्रिया दिनुहोस् !