कलैया (मटिअर्वा), ५ जेठ । भारत-नेपाल सीमा क्षेत्रमा चोरीका मोटरसाइकलको नम्बर प्लेट परिवर्तन गरी नेपालमा बिक्री गर्ने गिरोहलाई भारतीय प्रहरीले पक्राउ गरेको छ ।
आदापुर थानाका थानाध्यक्ष पूजा कुमारीको नेतृत्वमा रहेको भारतीय प्रहरी टोलीले भारत–नेपाल सीमा अन्तर्गत, मटिअरवा बोर्डर नजिक सवारी जाँचका क्रममा दुई वटा सुपर स्प्लेन्डर मोटरसाइकलसहित चार जनालाई पक्राउ गरेको हो । सो क्रममा बीआर ०५ आर ३४७९ र बीआर ०५ आर ५१११ नम्बरका मोटरसाइकलको एचएचडी मेसिनबाट परीक्षण गर्दा दर्ता नम्बर र चेचिस नम्बरमा फरक भेटिएको प्रहरीले जनाएको छ ।
मोटरसाइकल चालकहरू रंजन कुमार साह तेली र आनंद कुमार साह तेलीलाई भारतीय प्रहरीले नियन्त्रणमा लिएको छ । उनीहरूले उक्त मोटरसाइकल ह्रदेश कुमार जयसवाल सँग खरिद गरेको बयान दिए पछि हृदयश कुमारलाई पनि प्रहरीले पक्राउ गरेको छ ।
प्रहरीका अनुसार ह्रदेशले मोटरसाइकल अजय कुमार उर्फ हरिओम कुमार बाट बिक्रीका लागि ल्याइएको स्वीकार गरेका थिए । त्यसपछि अजय उर्फ हरिओमलाई पनि पक्राउ गरिएको प्रहरीले जनाएको छ । 
प्रतिक्रिया दिनुहोस् !