वीरगंज (पर्सा), ११ चैत । जिल्ला सरकारी वकीलको कार्यालय पर्साको आयोजनामा बुधबार “समुदायमा सरकारी वकील संवाद” कार्यक्रम सम्पन्न भएको छ । वीरगंज–१३ स्थित वीरगंज स्कुल अफ ल. कलेजमा आयोजित कार्यक्रममा सरकारवादी फौजदारी मुद्दासम्बन्धी विस्तृत जानकारी दिइएकोे थियो ।
सो अवसरमा सरकारी वकीलहरूले लागूऔषध (ड्रग्स) सम्बन्धी अपराध, विद्युतीय अपराध तथा साइबर क्राइम, जबरजस्ती करणी, बालविवाह, दाइजो प्रथा लगायतका गम्भीर फौजदारी कसुरहरू र कानुनी दायरा एवं सजाय बारे जानकारी गराएका थिए ।
जिल्ला सरकारी वकील कार्यालय पर्साका सूचना अधिकारी तथा सहायक जिल्ला न्यायाधिवक्ता अनन्तराज न्यौपानेका अनुसार कार्यक्रमको उद्देश्य समुदायस्तरमा कानुनी जानकारी विस्तार गरी अपराध न्यूनीकरणमा सहयोग पुर्याउनु रहेको हो ।
जिल्ला न्यायाधिवक्ता मनोज प्रसाद गुप्ताको अध्यक्षतामा सम्पन्न कार्यक्रममा सहायक न्यायाधिवक्ताहरू अनन्तराज न्यौपाने, महेश अर्याल, वीरगंज स्कुल अफ ल. कलेजका प्रिन्सिपल अधिवक्ता चन्द्रिका पटेल लगायतको सहभागिता थियो ।
प्रतिक्रिया दिनुहोस् !