वीरगंज (पर्सा), १० माघ । वर्षौँदेखि बेवारिसे अवस्थामा रहँदै आएको वीरगंजको घण्टाघरस्थित रेल्वे जग्गामा सरसफाई गरिएको छ । ग्रीनसिटि सामुदायिक प्रहरी सेवा केन्द्र आदर्शनगर, सशस्त्र प्रहरी बल, वीरगंज महानगरपालिकाको नगर प्रहरी, राष्ट्रिय सेवा दल तथा नेपाल प्रहरीको संयुक्त आयोजनामा सरसफाई गरिएको हो ।
वीरगंजस्थित बीपी उद्यान अगाडि रहेको रेल्वे जग्गामा आगामी दिनमा जनकपुरबाट ऐतिहासिक महत्व बोकेको पुरानो रेल ल्याई रेल्वे संग्रहालय स्थापना गर्ने तयारीका रहेको छ । वीरगंज महानगरपालिकाका प्रमुख मेयर राजेशमान सिंहले ऐतिहासिक रेल सम्पदाको संरक्षण तथा पर्यटकीय विकासलाई लक्षित गर्दै यो अभियान अघि बढाइएको बताए ।
उनका अनुसार रेल्वे संग्रहालय स्थापना भएपछि वीरगंजको ऐतिहासिक पहिचान अझ सुदृढ हुने, पर्यटन प्रवद्र्धन हुने र नयाँ पुस्ताले नेपालको रेल्वे इतिहासबारे जानकारी पाउने अवसर प्राप्त गर्नेछ ।
प्रतिक्रिया दिनुहोस् !