वीरगंज (पर्सा), ३१ वैशाख । मधेश प्रदेशमा एचआईभी सङ्क्रमणको अवस्था चिन्ताजनक देखिएको छ । प्रदेश स्वास्थ्य निर्देशनालयका अनुसार वितेको आर्थिक बर्षमा प्रदेशभर कुल ४ हजार ६ सय ८० जना सङ्क्रमितहरू उपचारमा थिए । प्रदेश स्वास्थ्य निर्देशनालयका एचआइभी एड्स तथा कुष्ठरोग फोकल पर्सन राजवीर यादवका अनुसार सो मध्ये पनि सबैभन्दा बढी सङ्क्रमित पर्सा जिल्लाका छन् ।
पर्सामा १ हजार ५ सय ४ जना सङ्क्रमित उपचाररत छन् भने धनुषामा ८ सय ८६, सर्लाहीमा ५ सय ५८, सिराहामा ४ सय ५७, रौतहटमा ४ सय २२, महोत्तरीमा ३ सय ७१, बारामा २ सय ८८ र सप्तरीमा १ सय ९४ जना सङ्क्रमित उपचारमा रहेका छन् । परीक्षणको दायरा क्रमशः बढ्दै गएपनि सामाजिक विभेद र लाञ्छनाका कारण धेरै सङ्क्रमित अझै स्वास्थ्य सेवाको पहुँचभन्दा बाहिर रहेको बताए ।
खुला सीमा, वैदेशिक रोजगारी, असुरक्षित यौन सम्पर्क, सुईमार्फत लागुऔषधको प्रयोग र यौनजन्य रोगका कारण सङ्क्रमण फैलिन सक्ने प्रमुख जोखिमहरू रहेको निर्देशनालयले जनाएको छ । 
प्रतिक्रिया दिनुहोस् !