वीरगंज (पर्सा), ११ चैत । पूर्व प्रधानमन्त्री तथा नेकपाका सह–संयोजक माधवकुमार नेपाल बुधबार वीरगंज पुगेर पर्सा प्रहरीको हिरासतमा रहेका पार्टीका नेता एवं पर्सा क्षेत्र नम्बर–२ का उम्मेदवार मनोज चौधरीसँग भेटघाट गरेका छन् । फागुन १९ गते आफू सवार गाडीमा शंकास्पद वस्तु फेला परेको आरोपमा पक्राउ परेका चौधरीलाई नेपालले जिल्ला प्रहरी कार्यालयमै पुगेर भेटेका हुन् ।
भेटका क्रममा उनले घटनाबारे विस्तृत जानकारी लिँदै चौधरीलाई धैर्यताका साथ अघि बढ्न सुझाव दिएका थिए । साथै, उनले चाँडै नै न्याय प्राप्त हुने विश्वास पनि व्यक्त गरे । नेपालले चौधरीको स्वास्थ्य अवस्थाबारे समेत चासो व्यक्त गर्दै हिरासतमा रहेका व्यक्तिहरूको मानवअधिकार र स्वास्थ्य सुरक्षामा सम्बन्धित निकाय गम्भीर हुनुपर्नेमा जोड दिएका छन् ।
यसैबीच, उनले चौधरीमाथि लगाइएको आरोपको सन्दर्भमा षड्यन्त्रको सम्भावना औंल्याउँदै सत्य बाहिर आउने र अदालतमार्फत न्याय हुनेमा आफू विश्वस्त रहेको बताएका छन् । नेपालसँगै नेकपाका पर्सा जिल्ला स्तरीय नेताहरू पनि जिल्ला प्रहरी कार्यालय पुगेर चौधरीप्रति ऐक्यबद्धता जनाएका थिए ।
प्रतिक्रिया दिनुहोस् !