वीरगंज (पर्सा), ८ चैत । वितेको चुनावमा एमालेको तर्फबाट पर्सा निर्वाचन क्षेत्र नं. २ का उम्मेदवार रहेकी रिमा कुमारी यादवले आफ्नो निर्वाचन खर्च विवरण आइतवार निर्वान आयोगमा बुझाएकी छन् । उनले फागुन २१ गते सम्पन्न प्रतिनिधि सभा सदस्य निर्वाचनमा कुल ९ लाख १४ हजार ८३४ रुपैयाँ खर्च भएको विवरण पेश गरेकी हुन् ।
यादवले आयोगमा बुझाइएको विवरण अनुसार सवारी साधन भाडामा १ लाख ८० हजार, इन्धन खर्च २ लाख ४० हजार ८६२, गोष्ठी, अन्तरक्रिया तथा घरदैलो कार्यक्रममा खाना–खाजा खर्च ३ लाख ९९ हजार ४००, प्रचारप्रसार सामग्रीमा ७० हजार ९२, मनोनयन दर्ता खर्च ५ हजार र फोटोकपीसहित विविध खर्च १९ हजार ४८० रुपैयाँ उल्लेख छ ।
फागुन २१ गते सम्पन्न निर्वाचनमा उनी राष्ट्रिय स्वतन्त्र पार्टीका उम्मेदवार सुशिल कुमार कानुसँग पराजित भएकी थिइन् । निर्वाचन सम्पन्न भएको एक महिनाभित्र उम्मेदवारले आफ्नो खर्च विवरण आयोगमा बुझाउनुपर्ने कानुनी प्रावधान छ ।
प्रतिक्रिया दिनुहोस् !