वीरगंज (पर्सा), ७ चैत । वीरगंजको ऐतिहासिक एवं धार्मिक धरोहर गहवा माई मन्दिर परिसरमा यसवर्षपनि रामनवमीका दिन महाआरती उत्सवको तयारी सुरु भएकोे छ । मर्यादा पुरुषोत्तम भगवान श्रीरामको जन्मोत्सव ‘रामनवमी’ का दिन चैत १३ गते गहवामाई मन्दिर परिसरमा महाआरती उत्सव आयोजना गरिन लागिएको हो ।
गहवा माई तीर्थ क्षेत्र विकास समितिका अध्यक्ष श्याम कुमार पोखरेलको अध्यक्षतामा शनिबार बसेको बैठकले आगामी चैत १३ गते शुक्रबारका दिन साँझं ६ बजेदेखि गहवामाई मन्दिरको अगाडिको प्रांगणमा भव्य महाआरती उत्सव आयोजना गर्ने निर्णय गरेको हो । विगतका वर्षहरूमा झैँ यस वर्षपनि रामनवमीका दिन आयोजना गरिने महाआरती उत्सवलाई व्यवस्थित गर्न कार्यसमिति सदस्य मुकेश कुमार साहको संयोजकत्वमा उपसमिति समेत गठन गरिएको छ ।
बैठकमा कार्यसमितिका उपाध्यक्ष देवानन्द प्रसाद कलवार, सचिव लक्ष्मी नारायण गुप्ता (पप्पु गुप्ता), कोषाध्यक्ष रविशंकर अग्रवाल तथा सदस्यहरू दिना प्रसाद गुप्ता, सिताराम प्रसाद उपाध्याय, मुकेश प्रसाद साह, अनुप कुमार अग्रवाल लगायतकाको पनि सहभागिता थियो ।
प्रतिक्रिया दिनुहोस् !