• हरिशंकर शर्मा
वीरगंज (पर्सा), १ कात्तिक / पर्सा जिल्लाको जगरनाथपुर गाउँपालिका वडा नं. ४ मा जन्मेका लालबाबुको बुवाको नाम दशरथ राउत गद्दी र आमाको नाम राघिका देवी हो । दुइ दाजु भाईमा मुख्यमन्त्री जेठा र रामबाबु गद्दी कान्छा भाइ हुन् । २०४६ सालको जनआन्दोलन पछि उनको बुवा स्थानीय तहमा नेपाली काँग्रेसको नेतृत्व गर्दै जगरनाथपुर गाविसको बुथ समितिको अध्यक्ष समेत रही सकेका छन् ।
शुरुमा मुख्यमन्त्री राउत ठाकुरराम बहुमुखी क्याम्पस र वीरगन्ज स्थित मेडिसिन क्याम्पस अर्थात नर्सिक क्याम्सको अँग्रेजी विषयको प्रध्यापक थिए । वीरगन्ज महानगपालिकामा नेपाली कांग्रेसका तत्कालीन मेयर माधवलाल श्रेष्ठ र उपमेयर अजय द्धिवेदीको पालामा महानगरपालिको अधिकृत तहमा स्थाई रुपमा भर्ना भएका थिए । शुरुमा तीन ठाउँमा जागिर गर्दै आएका राउत पछि एक ठाउँमा मात्र जागिर गर्न पाउने अनिवार्यता लागेपछि उनी महानगपालिको जिन्सि शाखाको प्रमुख हुँदा मोनामी पेन र व्हिल वेयरो खरिद भ्रष्टाचार काण्डमा अख्तियार अनुसन्धान आयोगको छानविनमा निलम्बनमा परेका थिए ।
महानगरापलिकाबाट निलम्बित रहेकै वेला शुरु भएको मधेश आन्दोलन पछि उनी तत्कालीन मधेशी जनअधिकार फोरममा प्रवेश गर्दै सक्रिय राजनीतिमा प्रवेश गरेका थिए । राजनीति सक्रियतासँगै चलिरहेको बिशेष अदालतबाट उनी माथि वीरगन्ज नगरपालिकामा लगाइएको भ्रष्टाचारको मुदा बिशेष अदालतबाट सफाई पाएपनि उनी महानगरपालिकाको जागिरमा पुनः फर्किएनन् ।
त्यस पश्चात २०७४ सालको सविधान सभामा उनी पहिलो पटक समानुपातिकबाट सविधान सभा सदस्य बनेका थिए तर आफु अधारित क्षेत्रमा खासै काम नगरेको कारण उनी प्रत्यक्ष चुनाव लड्न पर्साको क्षेत्र नम्बर १ को (ख) परिवर्त गरि टिकट लिए । टिकट लिने बेलामा पनि उनी क्षेत्र नम्बर ४ को वासी भएकोले सोही क्षेत्रबाट निर्वाचन लड्न स्थानीय नेताहरुले दबाव समेत दिएका थिए तर मधेश आन्दोलनको माहोल नै जल्दोबल्दो रहेकोले उनी यसै क्षेत्रबा जित्न सक्ने देखेपछि क्षेत्र नं. १ को (ख) बाटै चुनाव लडे ।
सविधानको घोषणा र त्यसको बिरोधमा भएको मधेश आन्दोलन र नाकाबन्दीमा उनको सक्रिय भूमिका रहेकोले पनि उनी पर्साको क्षेत्र नम्बर १ को (ख) बाट प्रदेश सभाको निर्वाचन लडेर प्रत्यक्ष तर्फबाट प्रदेश सभा सदस्य चुनिए । त्यस पश्चात प्रदेश स्तरीय मन्त्रालय गठन भएपछि उनीलाई मुख्य मन्त्री चुनियो । पहिलो पटक मुख्य मन्त्री बनेपछि मुख्यमन्त्री कार्यालयबाट चलाइएका अधिकांश परियोजनाहरुमा व्यापक भ्रष्टाचार भएको उनीमाथि आरोप लाग्यो ।
उनको सबै भन्दा लोकप्रिय रहेको ‘बेटी पढाउँ, बेटी बचाउ’ अभियान अन्तर्गत साइकल खरिद प्रकरणमा अख्तियारद्वारा मुद्दा दायर गरियो र मुख्यमन्त्री कार्यालयमा छापामारी समेत भएको थियो । वाँकी रहेका अरु फाइलहरुबारे अहिलेपनि अनुसन्धान चलिरहेको छ । मुख्यमन्त्री कार्यालयबाट भएको भ्रष्टाचारबाट आफु जोगिन लागि साइकल खरिद प्रकरणको फाइलबाट उनले गरेको टिप्पणी आन्देश सदरको कागज गायब नै गरि दिएको घटनाहरु प्नि सार्वजनिक भए ।
यसका साथै मुख्यमन्त्री पुर्ण रुपमा असफल रहेको ‘मुख्यमन्त्री स्वच्छता अभियान’ र ‘बिमा प्रकरण’ का बारेमा अख्तियारद्वारा अहिलेपनि अनुसन्धान भइरहेको छ । त्यसका साथै टावर लाइट खरिद, सहिद पार्क निर्माण, पोखरी सौन्दर्यिकरण, मठ मन्दिर सौन्दर्यीकरण लगायतका कतिपय योजनाहरु अहिले पनि अधुरै छन् । वीरगंजको मुर्ली तथा नगवा स्थित रहेको पोखरी अहिलेपनि अलपत्र अवस्थामा छन् ।
एतिहासिक पोखरीलाई सौन्दर्यीकरणको नाममा तहस नहस बनाएर अहिले अलपत्र अवस्थामा छाडिएको छ । त्यसमा व्यापक भ्रष्टाचार समेत भएको मुख्यमन्त्रीमाथि आरोप पनि लागेको छ । मुख्यमन्त्री कार्यालयबाट चलेका अधिकाँश भौतिक निर्माणका कार्यहरु उनकै पार्टीका प्रदेश सभा सदस्य सिगांसन साह कलवार जसलाई मुख्यमन्त्री छाँया भनेर पनि पर्सा जिल्लामा चिनिने गरिएको छ । जो एउटा पुराना ठुलो ठेक्केदार पनि हुन् । उनले नै मुख्यमन्त्रीको अधिकाँश योजना पाएको कारण पनि योजनाहरु अधुरै रहेको छ । योजनाहरु अधुरो रहेको कारण यहाँका नागरिकहरु मुख्यमन्त्रीबाट असन्तुष्ट छन् ।
राउत वीरगंजबाट निर्वाचित भएर मुख्यमन्त्री बनेपछि यस क्षेत्रको लागि खासै काम नगरेको र विभिन्न भ्रष्टाचार मुद्दामा मुछिएपछि वीरगंजबासीहरुले उनीमाथि रुष्ट छन् । त्यसमा पनि मधेश प्रदेशको मुख्यमन्त्री भएकै बेला वीरगंजलाई राजधानी बनाउन पहल नगरि चुप लागेर बसेको कारण पनि आक्रोशित वीरगंजलाई यस पटक उनलाई चुनाव हराउने सोच बनाएका छन् । पदमा हुँदा जहिलेपनि घमण्ड गर्ने र कहाँ कुन अवस्थामा के बोल्ने भन्ने शैली समेत नभएको भनेर उनीमाथि पटक पटक आरोप लाग्दै आलोचना समेत हुने गरेको छ । विभिन्न सञ्चार माध्यममा अन्तर्वाता दिने क्रममा ‘अस्लिल शब्द प्रयोग गरेको’ भिडियोहरु पनि सामाजिक सञ्जालमा भाइरल बनेको थियो ।
उनलाई यसपाली जित्न ठूलो चुनौतिको सामना गर्नुपर्ने देखिन्छ । दलबाट उम्मेदवारी दिएपनि यस पटक उनलाई स्वतन्त्र एवं अन्य उम्मेदवारहरुले ठुलो चुनौति दिदैछन् । मुख्यमन्त्रीयले यसअघिको स्थानीय तहको निर्वाचनमा जगरनाथपुर गाउँपालिकाको उपप्रमुख पदमा आफ्नो श्रीमतीलाई पावर र पैसाको बलमा उम्मेदवार बनाएपछि लज्जास्पद हार व्यवहोर्नु परेको थियो । उनीसँग रहेका अधिकाँश कार्यकर्ताहरु पार्टी छाडेर अन्य पार्टीमा लागि सकेका छन् । यसले गर्दा पनि यस पटकको संघ र प्रदेशको निर्वाचनमा मुख्यमन्त्रीलाई जित्न ठुलो चुनौतिको सामना गर्नुपर्ने अवस्था देखिएको टिका टिप्पणी हुन थालेको छ ।
प्रतिक्रिया दिनुहोस् !