वीरगंज (पर्सा), २५ पुस । छिमेकी मुलुक भारतमा देखिएको कोरोना भाइरस अन्र्तगतको ओमिक्रोनको सवभेरिएन्ट जेएन डट वानको जोखिम नेपालमा पनि उतिकै छ । छिमेकी मुलुक भारतमा जेएन डट वानको सक्रमण बढेकाले नेपाललाई पर्न सक्ने जोखिलाई मध्यनजर गदै सिमानाकाबाट आएका स्यापलको जिन सिक्वेन्सिङ्गको कामलाई तिव्रता दिइएको छ । नेपालमा कस्तो छ यस भेरिएन्टको अवस्था अनि के छ यसविरुद्धको योजना ?
कोरोना भाइरसअन्र्तगतको ओमिक्रोनको नयाँ सवभेरिएन्टलाई विश्व स्वास्थ्य संगठनले भेरिन्ट अफ कन्र्सनका रुपमा राखेको छ । तर हाल देखिएको ओमिक्रोनको नयाँ सवभेरिन्ट जोखिमको हिसाबले त्यति घातक भने नभएको मानिएको छ । अमेरिकाको डिजिज कन्ट्रोल एन्ड प्रिभेन्सन सेन्टर अनुसार यो सवभेरिएन्ट ओमिक्रोन कै एक नयाँ उपप्रजाति भएको बताएको छ ।
साथै अन्य प्रजाति भन्दा ओमिक्रोन प्रजातिका सवभेरिन्ट छिटो फैलन सक्ने भएकाले संक्रमण दर बढाउन यसले मद्दत गर्ने यसका जानकारहरु बताउँछन् । तर यो उपप्रजातिले स्वास्थ्यमा पार्ने जटिलता भने कम भएको डिपिडिमियोलोजि तथा रोग नियन्त्रण महाशाखाले जनाएको छ । विश्व स्वास्थ्य सङ्गठनका अनुसार नयाँ सवभेरिएन्टको संक्रमण हुदाँ पनि पहिलाकै जस्तो लक्ष्ण जस्तै ज्वरो आउने, सिगान बग्ने, घाँटी दुख्ने, टाउको दुख्ने, पेट दुख्ने र पखाला लाग्ने जस्ता लक्षण देखिन्छन् ।
कोरोना भाइरसको स्वरूपमा निरन्तर परिवर्तन भइरहेको र फैलनका लागि सहज वातावरण बनाउँदै गएकाले यसका नयाँ नयाँ उपप्रजाति देखिएको हो । तर भाइरसले वातावरण अुनसार आफुलाई परिर्वतन गदै जानु एक समान्य प्रक्रियाका रुपमा लिने गरिन्छ । अहिले भारतमा देखिएको ओमिक्रोनकै नयाँ उपप्रजाति पनि यसैको उपज हो । भारतमा अहिले संक्रमण फैलदो क्रममा देखिएकाले नेपालमा पनि जोखिम बढेको भन्दै भीडभाडमा नजान तथा स्वास्थ्य मापदण्ड राम्रोसंग पालना गर्न सरकारले आग्रह समेत गरेको छ ।
साथै नेपालमा हुने जोखिमलाई मध्यनजर विभिन्न नाकाबाट ल्याएका १२ वटा स्याम्पलको जीन सिक्वेन्सिङका गरिएको छ भने थप स्याम्पलको सिक्वेन्सिङको काम हुदैंछन् । तर अहिले सम्म यो उपप्रजाति नेपालमा पुष्टि भने भएको छैन । अहिले देखिएको सवभेरिएन्टका लागि पहिला नै लगाएको कोरोना विरुद्धको खोपले समेत काम गर्ने भएकाले डराउनुपर्ने अवस्था स्वास्थ्य सेवा विभागले औलाएको छ । तर जाडोमा कोरोना भाइरसका साथै अन्य श्वास प्रश्वास सम्बन्धित संक्रमणको जोखिम पनि उतिकै भएकाले कोरोना संक्रमणसंग मिल्दो जुल्दो लक्षण देखिएमा परिक्षण गराउन भने आग्रह गरेको छ । 
वीरगंज भन्सार नाकामा परीक्षण नियमित
नेपाल भारत सीमा क्षेत्र वीरगंज भन्सार क्षेत्रमा कोरोना परीक्षण कार्य नियमित संचालनमा रहेको छ । विगतको कोरोना महामारीको अवस्थालाई मध्यनजर गर्दै सीमा क्षेत्रमा चेकजाँच कार्य नियमित नै रहेको जिल्ला जनस्वास्थ्य कार्यालय पर्साका प्रमुख डा. मुक्तिनारायण साहले जानकारी दिए ।
उनका अनुसार बजेट अभावको कारण पहिलाको तुलनामा चेकजाँच गर्ने चिकित्सकहरुको संख्यामा कटौती गरिएपनि चेकजाँच भने नियमित रहेको बताए । उनले अहिलेपनि भन्सार क्षेत्रमा राखिएको कोरोना परीक्षण केम्पमा दैनिक २ सयदेखि ३ सय जनाको हाराहारीमा परीक्षण भइरहेको बताए । यस नाकाबाट दैनिक हजारौंको संख्यामा सर्वसाधारणको आवतजावत भएपनि शंकास्पद देखिएका व्यक्तिहरुको मात्रै कोरोना परीक्षण गर्ने गरिएको बताए ।
भारतको भित्रि प्रदेशबाट आउने र शंकास्पद देखिएका व्यक्तिहरुलाई ल्याई एन्जिटेन परीक्षण गर्ने गरिएको र पोजेटिभ देखिए आफ्नै घरमा सतर्कता अपनाई उपचार गराउन सल्लाह सुझाव दिने गरिएको बताए । विगत ६ महिनायता कोरोना संक्रमित व्यक्तिहरु फेला पनि नपरेको उनको भनाई छ । जिल्ला जनस्वास्थ्य कार्यालय पर्साको सहयोगमा वीरगंज महानगरपालिकाले कोरोना महामारीदेखि नै सीमा क्षेत्रमा कोरोना परीक्षण केम्प संचालन गर्दै आएको छ । 
प्रतिक्रिया दिनुहोस् !